मुलं घेता का मुलं ?,, अनाथ व मतिमंद मुलांच्या शाळा संचालकांची सरकार कडे टाहो

0
538

चंद्रपूर – आर्थिक परिस्थिती नसल्या मूळे अनाथ व मतिमंद मुलांची जबाबदारी सरकारनी घ्यावी या मागणी करिता संस्था चालकांनी पत्रकार परिषेद घेऊन  अनाथ व मतिमंद मुलांसह आमरण उपोषणाला बसण्याचा इशारा दिला

जिल्ह्यातील नागभीड येथे लोककल्याण बहुउद्देशीय शिक्षण संस्थेद्वारा संचालित स्वामी विवेकानंद मतिमंद मुलांची शाळा व स्वामी विवेकानंद मुलाचे बालगृह वर्ष 2011 पासून अविरत सुरू आहे मात्र मतिमंद शाळेला शासनातर्फे अजूनही अनुदान प्राप्त झाले नसून सध्या 7 विद्यार्थी शाळेत असून त्यामधील 2 विद्यार्थी हे 18 वर्षाखाली असून उर्वरित 5 विद्यार्थी हे 18 वर्षावरील आहे. मतिमंद शाळेत नियमानुसार 18 वर्षेआतील असणाऱ्या मुलांना ठेवता येते मात्र सर्व मुले हे अनाथ असल्याने संस्था अजूनही मुलांचे पालन करीत आहे मात्र शासनाद्वारे कसलीही मदत शाळेला मिळाली नाही.

सदर शाळा ही शासनाच्या अहवालात अ श्रेणीत आहे मात्र अजूनही शाळा ही कायम विना अनुदानित तत्वावर काम करीत आहे, 3 वर्षांपासून मतिमंद मुले अनुदान मिळणाऱ्या शाळेत स्थलांतरित करावे यासाठी सतत पाठपुरावा सुरू आहे मात्र संबंधित विभाग याकडे दुर्लक्ष करीत आहे.

कोरोना काळात शासनाने रेशन कार्ड नसलेल्या नागरिकांना अन्न धान्य दिले मात्र मतिमंद शाळेला अशी कसलीही मदत करण्यात आले नाही अनाथ व मतिमंद मुले भारताचे नागरिक नाही का असा प्रश्न संस्थेचे सचिव पुरुषोत्तम चौधरी यांनी आयोजित पत्रकार परिषदेत उपस्थित केला.

शासनाने विशेष बाब म्हणून कायम विना अनुदानित शाळेला अनुदान सुरू करावे अन्यथा प्रजासत्ताक दिनाच्या पूर्व संध्येला संस्थेचे पदाधिकारी आमरण उपोषण करणार असा इशारा चौधरी यांनी यावेळी दिला आहे.
15 ऑगस्ट 2020 ला जिल्ह्याचे पालकमंत्री वडेट्टीवार यांना सदर बाबीसाठी निवेदन दिले व त्यांनी विशेष बाब म्हणून तात्काळ प्रशासनाला प्रस्ताव सादर करण्याचे आश्वासन सुद्धा दिले मात्र आजपर्यंत असा कुठलाही प्रस्ताव शासनाजवळ दिला नाही, पालकमंत्री वडेट्टीवार यांचं आश्वासन हवेतच विरले. शासनाकडून संस्थेला कसलीही मदत मिळत नाही, संस्थाचालक हे कर्जबाजारी होण्याच्या मार्गावर आहे, आजपर्यंत संस्थाचालकांनी सेवा म्हणून मतिमंद मुलांना सांभाळले मात्र कोरोना काळात सर्वाना अडचणी आल्या, शासनस्तरावर पाठपुरावा केला गेला मात्र निष्ठुर शासनाचं संस्थेच्या मागणीकडे लक्ष गेले नाही, संबंधित मागण्या पूर्ण झाल्या नाही तर संस्थेत कार्यरत कर्मचारी, अध्यक्ष व सचिव हे प्रजासत्ताक दिनाच्या पूर्वसंध्येला जिल्हाधिकारी कार्यालयासमोर आमरण उपोषण करण्याचा इशारा संस्थासचिव पुरुषोत्तम चौधरी यांनी शासनाला दिला आहे.

LEAVE A REPLY

Please enter your comment!
Please enter your name here