वाहनचालकाला वाचविण्यासाठी हत्तीच्या पायाखाली चिरडला गेला मुख्य लेखापाल

0
167

वाहनचालकाला वाचविण्यासाठी हत्तीच्या पायाखाली चिरडला गेला मुख्य लेखापाल
⭕ ताडोबातील चवताळलेला गजराज हत्ती पहाटे जेरबंद
⭕ ताडोबा-अंधारी प्रकल्पातील बोटेझरी छावणीत वास्तव्यास आहे गजराज

चंद्रपूर (प्रतिनिधी): 7 मे 2021
ताडोबा-अंधारी व्याघ्र प्रकल्पातील बोटेझरी छावणी परिसरात मोकाट असलेल्या गजराज नावाच्या नर हत्तीने काल गुरुवारी (6 मे) सायंकाळच्या सुमारास वाहनचालक वनकर्मचारी यांचेसह एसिएस व मुख्य लेखापाल यांचेवर अचानक हल्ला केला. यात वाहनचालकाला वाचविण्याच्या प्रयत्नात मुख्य लेखापाल प्रमोद गौरकर यांनी प्रयत्न केला असता चवथाळलेल्या गजराजने वाहनचालकाला सोडून मुख्यलेखापाल यांना पायाखाली चिरडून ठार केल्याची घटना समोर आली आहे. रात्रभराच्या थरारानंतर गजराजला पहाटेला जेरबंद करण्यास यश आले आहे.
ताडोबा-अंधारी अभयारण्य राष्ट्रीय प्रकल्प पर्यटन करिता बोटेझरी छावणीत गजराज नावाचा नर हत्तीसह अन्य तीन हत्ती या ठिकाणी आहेत. एका हत्तीचा काही वर्षांपूर्वी मृत्यू झाला आहे. या ताडोबा-अंधारी राष्ट्रीय प्रकल्पात बोटेझरी परिसरात येणारे पर्यटक खासकरून गजराजची शाही स्वारी करून पर्यटनाचा मनमुराद आनंद लुटतात. परंतू सध्या सुरू असलेल्या लाॅकडाऊनमुळे ताडोबा-अंधारी प्रकल्पात पर्यटनाच्या सर्व सुविधा बंद आहेत. त्यामुळे बोटेझरीतील हत्ती मोकाटच आहेत.
काल गुरूवारी एसीएफ, मुख्य लेखापाल यांचेही एक वनकर्मचारी, आणि सोबत असलेल्या वाहनाचे चालक असे चौघेजण बोटेझरी परिसरात आपले कर्तव्य बजावत होते. अलीकडेच येवून गेलेल्या पावसामुळे अभयारण्यातील बोटेझरी परिसरातील रस्ता ठिकठिकाणी चिखलाने पुरता खराब झाला आहे. टाटासुमो वाहनाने या परिसरात भ्रमंती करताना वाहन चिखलात फसले. सदर वाहनाला काढण्याचा प्रयत्न सुरू असताना नजीकच गजराज सैरावैरा पळत असल्याचे दिसून आले. गजराज थेट वाहनाच्या दिशेने धडकून हल्ला करण्याचा प्रयत्न केला मात चोघेही अधिकारी कर्मचारी आपला जीव वाचवित इतरत्र पळावे. यावेळी गजराजने वाहन पलटवून दिला. परत गजराज इतरत्र गेल्याने परत वाहन सरळ करण्याकरिता वाहनचालक आणि अधिकारी प्रयत्नात होते. गजराजने पुन्हा परतून हल्ला केला. यावेळी वाहनचालक हा तिथेच असल्याने गजराजला तिथून हाकलून लावण्यासाठी लेखापाल गौरकार यांनी प्रयत्न केला. त्यामुळे गजराजने वाहनचालक आणि इतरांना सोडून लेखापालाचा पाठलाग केला आणि वाहनचालकाला वाचविण्याच्या प्रयत्नात हत्ती गजराजच्या पायाखाली चिरडून अत्यंत दुर्दैवी मृत्यू आल्याचा घटनाक्रम समोर आला आहे.
*पहाटेला झाला गजराज जेरबंद*
====================
गुरुवारी ताडोबा-अंधारी प्रकल्पातील बोटेझरी छावणीत गजराज नावाचा नर हत्ती अचानक गूरूवारी सायंकाळी सुमारास आक्रमक झाला. यात एका मुख्य लेखापालाचा जीव घेतल्यानंतर वन विभागाच्या चमूने त्याला पकडण्यासाठी रेस्क्यू केले परंतु रात्रीची वेळ असल्याने आणि गजराज मोकाट असल्याने वन विभागाच्या अधिकाऱ्यांना रात्री अडचण निर्माण झाली. रात्रभर रण आखून पहाटेच्या सुमारास गजराराजला बेशूध्दीचे इंजेक्शन देऊन त्याला पकडण्यात यश आले.बोटेझरीच्या छावणीत गजराजसध्या जेरबंद असून त्याच्यावर वन विभागाचे पाळत आहे. गुरूवारच्या गजराजच्या रात्रभर थरारक कृत्याने वन विभागाचे अधिकारी कर्मचारी मध्येही दहशतीचे वातावरण निर्माण झाले आहे.
*मुख्यलेखापाल गौरकार यांचेवर स्वगावी अंत्यसंस्कार*
ताडोबा-अंधारी प्रकल्पात नोकरीवर असलेले प्रमोद गौरकार बोटेझरी परिसरात आपले कर्तव्य बजावत असताना गजराज आक्रमक होऊन यांच्यावर हल्ला चढविला आणि या घटनेत त्यांचा दुर्दैवी मृत्यू झाला प्रयत्न वाहनचालकाला वाचविण्याच्या प्रयत्नात त्यांचा मृत्यू झाल्याने त्यांच्या सर्व गावी शोककळा पसरली आहे चंद्रपूर येथे त्यांचा मृतदेह देहावसान झाल्यानंतर त्यांचे मूळ गाव शंकरपूर येथे त्यांचे पार्थिव आणण्यात आले या ठिकाणी त्यांच्यावर अंत्यसंस्कार करण्यात आले त्यांच्या पश्चात पत्नी दोन मुली आई एक भाऊ एक बहीण असा परिवार आहे
*गजराजचा उपद्व्याप सुरूच*
================
बोटेझरी परिसरात सध्या तीन हत्ती आहेत त्यापैकी गजराज हा नावाजलेला आहे. कालची घटना हही गजराजने केलेली पहिली घटना नव्हे. अनेक उपद्व्याप गजराजचे सुरू आहेत. 2019 मध्ये हत्ती चालवणाऱ्या एका महावतला ठार केले होते. याच वर्षात यवतमाळ जिल्ह्यात अवनी वाघिणीला पकडण्यासाठी या गजरा चा उपयोग करण्यात आला होत. यवतमाळच्या जंगलात गजराज दोन दिवस बेपत्ता राहिला.त्याने या कालावधीत पांढरकवडा परिसरात काही गावांमध्ये धुमाकूळ घालून अनेक घरे उद्ध्वस्त केली होती. या परिसरात प्रचंड दहशत निर्माण झाली होती. त्यानंतर काल गुरुवारची घटना ताजीच आहे. त्यामुळे गजराजचा उपद्व्याप दिवसेंदिवस वाढत आहे.

LEAVE A REPLY

Please enter your comment!
Please enter your name here