तृतीयपंथींचे शुभ आशीर्वाद घेत आमदार , खासदार धानोरकर यांनी साजरी केली दिवाळी

0
217

चंद्रपूर : दिवाळीचा सण मोठा, नाही आनंदाला तोटा असे म्हणत मांगल्यपूर्ण दीपोत्सव मोठ्या उत्साहात साजरा केला जातो. दिव्यांची आणि त्याबरोबरीने आनंदाची उधळण करीत साजरा केला जातो. दिवाळीमध्ये लक्ष्मीची पूजा करून आपल्यावर तिचा कृपा-आशीर्वाद राहावा, यासाठी मनोकामना केली जाते. पण, आमदार प्रतिभाताई धानोरकर आणि खासदार बाळूभाऊ धानोरकर यांनी चक्क तृतीयपंथींचे शुभ आशीर्वाद घेत या समुदायासोबत दिवाळी साजरी केली.

यंदा कोरोनाचे भीषण संकट आहे. लॉकडाऊनमुळे असंघटित आणि अल्पसंख्याक असलेला तृतीयपंथी वर्ग मोठ्या प्रमाणात भरडला जात आहे. आपल्या उदरनिर्वाहासाठी दुसऱ्यांवर अवलंबून राहावे लागते. अशा स्थितीत दिवाळी सणाचे आनंद द्विगुणीत करण्यासाठी आमदार प्रतिभाताई धानोरकर आणि खासदार बाळूभाऊ धानोरकर यांनी तृतीयपंथी समुदायाला घरी निमंत्रित केले होते. आपल्याला निखळ आनंद देणारी दिवाळी साजरी करण्यासाठी हा अनोखा उपक्रम आयोजित करण्यात आला. यावेळी या समुदायाच्या चेह-यावर स्नेह, प्रेम आणि आनंद झळकत होता.

LEAVE A REPLY

Please enter your comment!
Please enter your name here